शायद

हरेक बिहानीहरुले नयाँ उज्यालो बोकेर आउछ
हर सँध्याहरुले सुनौलो सपना बुनेर आउछ
हरेक दिनहरुले अत्रिप्त आशा लिएर आउछ
हर पलहरुले नौलो उमंग बटुलेर आउछ

जंजिरले बेह्रिएका मनहरु सुन्दर रचना लिएर आउछ
बाध्यताले बांधिएका आत्माहरु मूक्तिको कल्पना बोकेर आउछ
ग्रहणले ढाकेको जून पूर्णेको उज्यालो सम्झेर आउछ
बतासले चुंडालेको फूलहरु बसन्तको प्रतिक्षा लिएर आउछ

थाहा छ प्रक्रिति कसैको अधिनमा हुदैन
थाहा छ भाग्यरेखाहरुलाई बदल्न सकिदैन
तर, किन सपनाका महलहरु अग्लिदै जान्छ
किन गन्तब्यबिहीन पाईलाहरु भौतारिदै जान्छ

शायद जिन्दगीका रँगहरु उ आफ्नै हातले रँग्याउन चाहान्छ
शायद ति ओंठहरुमा मुस्कान छर्न चाहान्छ
अनि बक्ररेखा झैं कोरिएका अतितहरु भुलेर
शायद हर्षले एकपल उ जिउन चाहान्छ।।
-निलीमा