तिमी-२

सितारको झंकारहरुमा खोजें तिमीलाई
तिमी संगीतको ताल सँगै झुमिरह्यौ
सागरको लहर माझ देखें तिमीलाई
तिमी मोती सरि गहिराईमा डुबिरह्यौ

देउरालीको चौतारीमा पर्खें तिमीलाई
तिमी भरिया दाइको सुसेलीमा भूलिरह्यौ
झ्याउकिरीको स्वरहरुमा खोजें तिमीलाई
तिमी रातको शून्यता सँगै चुपचाप भयौ

कहाँ कहाँ खोजिन मैले तिमीलाई
तिमी आकाशको जून झै मौन थियौ
को को सँग सोधिन मैले तिमीलाई
तिमी सुनसान शहरमा हराईरह्यौ

जब मिर्मिरेको चिसो सिरेटोमा तिमी
मीठो सन्देश बोकेर मेरो सामू आयौ
म हर्षबिभोर भै आँशु बगाईरहें ,
तिमी कबिता बनेर छचल्किरह्यौ ।।।

-nilima