पोख्नै नसक्ने
भावनाहरु
जुध्नै नसक्ने यि नयनहरु
भेटिएर छुटिदा सम्म
साटिनै नसक्ने यि दिलहरु
कति कठोर छन् आफैमा
कति कमजोर छन् आफै भित्र
अनि कति चञ्चल छन्
आफूहरु नै,
थाहै नपाई
यो आत्मा सँगै
टासिएका मायाहरु
मिठो बोलिमा, अल्झिएका रातहरु
बोल्दा बोल्दै बाँकिरहेका
मनका भावहरु
अझै अझै बोलिरहुँ
अनियन्त्रित चाहनाहरु
समयको सिमाले
घण्टी बजाएर ब्रेक लगाईदिदा
उफ! फेरि बितिसकेछ
अन्तिम प्रहर!
अब बिहानी हुन्छ
सुर्य उदाउछ
देख्नै नभ्याएका सपनाहरुको
पूर्णबिराम लगाउनुछ
तर,
थाह छैन खै!
म सक्छु या सक्दिन
दिवास्वप्नमा
उ सँग आँखा जुधाएर
मनमा तैरिएका, छालहरु ब्यक्त गर्न
सधै-सधै माया गर्ने नटुट्ने बाचा गर्न
अनि त्यो आकृतिलाई
हृदयमा कैद गर्न ।।।
-nilima
About Me
- निलीमा
- ktm, Nepal
- खै! कहाँ बाट सुरु गरुं ? लेख्नु त मैले धेरै पहिले देखि नै लेख्ने गर्थे , मेरा सबै लेखहरु लेख्दै गए मेटिदै गए । कुन कहाँ पुगे थाहा नै भएन । तर आज किन किन मेरो लेखहरुलाई सम्हालेर राख्नु मन लाग्यो । थाहा छैन आउने दिनहरुमा मेरो कलमहरुले बिश्राम लिने हो कि! जहाँ सम्म समयले साथ दिनेछ म लेखिरहनेछु ...!!!