एक्लो एक्लो
गोरेटोहरुमा
अल्मलिदै अल्झिदै सम्हालिदै
म भागिरहेछु
हिड्डा हिड्डै
यि पैतलाहरु
लर्खराएर आफै
पछारिन्छु
मनै भरि
तर्कबितर्कहरुको
हुरि चल्छन
रुखहरु ढल्छन
शून्य-शून्य हुन्छ
जताततै
लाशहरुको थुप्रो लागे झै
यो मनमा फेरि
त्यहि तर्कबितर्कहरुले
राज गरिरहेका हुन्छन
म एक्लो हुन्छु
नितान्त एक्लो
आँशु लट्पटिएका
नयनहरुले
तिमीलाई नै
खोजिरहेका हुन्छन
मुटु यो पिंडाले जलिदिन्छ
खरानि हुन्छ
सबै सपनाहरु
त्यै पनि
क्षणिक खुशी
अनि
तिम्रै प्रतिक्षामा
म बाँचिरहेको हुन्छु ।
-nilima
About Me
- निलीमा
- ktm, Nepal
- खै! कहाँ बाट सुरु गरुं ? लेख्नु त मैले धेरै पहिले देखि नै लेख्ने गर्थे , मेरा सबै लेखहरु लेख्दै गए मेटिदै गए । कुन कहाँ पुगे थाहा नै भएन । तर आज किन किन मेरो लेखहरुलाई सम्हालेर राख्नु मन लाग्यो । थाहा छैन आउने दिनहरुमा मेरो कलमहरुले बिश्राम लिने हो कि! जहाँ सम्म समयले साथ दिनेछ म लेखिरहनेछु ...!!!