समर्पण

चाहान्छु म तिमीलाई धेरै धेरै
तर पाउन सक्दिन
पूजारी हुँ म तिम्रै प्रेमको
तर समर्पण गर्न सक्दिन

रहरहरुको त पहाड नै बनिसकेछ
तर बिश्वाश हरुलाई म भत्काउन सक्दिन
सपनाहरुको त बस्ती नै बसिसकेछ
तर जन्जीरहरुलाई म तोड्न सक्दिन

किनकी , म त बिबश छु
कसैको रँगीन सँसारहरुमा
म रँगी सकेकी छु
कसैको आस्थाहरुमा
म बेह्रीसकेकी छु

केवल भावनाहरुमा म
तिमी सँग हराउन सक्छु
मात्र कल्पनाहरुमा म
तिमी सँग रमाउन सक्छु

यदि सपनामा रम्नु पनि
मेरो गल्ती हो भने
हुन्छ, म तिम्रो नजरबाट
टाढा धेरै टाढा भै दिन्छु ।
-nilima