परेली माझ तिम्रो मुहार अल्झिदिए जस्तो लाग्छ
पिरतीको घाउ कतै बल्झिदिए जस्तो लाग्छ
छामी देउ न हृदयले पिरतीका झंकारहरु
सितार बनि बज्न थाले मेरा मनका संघारहरु
भोक-निद्रा सबै तिमीले लुटी लगे जस्तो लाग्छ
पिरतीको मुहान साँच्चि फूट्न थाले जस्तो लाग्छ
थमाई देउ न ढुकढुकीले पिरतीका लहरहरु
सागर भै बग्न थाले बैशालु यी रहरहरु
छाती भरी तिम्रो तस्बीर कोरी दिंउ कि जस्तो लाग्छ
पिरतीको धुनि सधैं लगाई रहुँ कि जस्तो लाग्छ
मेटाई देउ न मुस्कानले पिरतीका प्यासहरु
अञ्जुलीमै खोज्न थाले मायालुका बासहहरु ।
-nilima
About Me
- निलीमा
- ktm, Nepal
- खै! कहाँ बाट सुरु गरुं ? लेख्नु त मैले धेरै पहिले देखि नै लेख्ने गर्थे , मेरा सबै लेखहरु लेख्दै गए मेटिदै गए । कुन कहाँ पुगे थाहा नै भएन । तर आज किन किन मेरो लेखहरुलाई सम्हालेर राख्नु मन लाग्यो । थाहा छैन आउने दिनहरुमा मेरो कलमहरुले बिश्राम लिने हो कि! जहाँ सम्म समयले साथ दिनेछ म लेखिरहनेछु ...!!!
No comments:
Post a Comment