मुटु भरि गाउंघरको माया लिएर
आहा! दशै फेरि आएछ
सधैं म सँग भागीहिंड्ने दशै
यसपालि त मेरो शहर मा आएछ
अञ्जुली मा टिका र जमरा लिएर
आहा! दशै फेरि आएछ
कमेरो माटोले रंगिएको दशै
यसपालि त मेरो सिउदोमा आएछ
डोको भरि पुर्खाको आशिष लिएर
आहा! दशै फेरि आएछ
गरीबको घरमा पाहुना हो दशै
यसपालि त मेरो भन्सारमा आएछ
तर, कल्पनामा आयो दशै तिमी
सपनाहरु सबै झुटो रहेछ
समुन्द्रपारी तिम्रो सम्झनामा
परदेशिको मन रोईरहेछ!
by nilima
About Me
- निलीमा
- ktm, Nepal
- खै! कहाँ बाट सुरु गरुं ? लेख्नु त मैले धेरै पहिले देखि नै लेख्ने गर्थे , मेरा सबै लेखहरु लेख्दै गए मेटिदै गए । कुन कहाँ पुगे थाहा नै भएन । तर आज किन किन मेरो लेखहरुलाई सम्हालेर राख्नु मन लाग्यो । थाहा छैन आउने दिनहरुमा मेरो कलमहरुले बिश्राम लिने हो कि! जहाँ सम्म समयले साथ दिनेछ म लेखिरहनेछु ...!!!
No comments:
Post a Comment