सयपत्री

नफुलिदेउ सयपत्री मेरो लागि
म माला गाँसेर सजाउन सक्दिन

नझुलिदेउ तिमी नयनहरुमा
म तिम्रो सुन्दरतालाई बचाउन सक्दिन

नछरिदेउ सुवास आगन भरि
म तिम्रो सुगन्धमा रमाउन सक्दिन

खोइ! तिमीलाई थाहा छ छैन्
म त पलपलहरुमा मरिरहेकी छु

बर्षौ देखि यो सडकको गल्लिहरुमा
बेबारीशे लाश झै सडिरहेकी छु

सुनामी ले भत्काईदिएको
यो सुनसान जिन्दगीमा
म आफ्नै अस्तित्व खोजिरहेकी छु!!!
-निलीमा ।